Правядзенне акцыі прымеркавана да Міжнароднага дня на карысць развіцця і міру, які адзначаюць 6 красавіка. Навучэнцы нашай гімназіі ў красавіку прынялі ўдзел у праекце "Рэспубліканскі Алімпійскі ўрок". Для першакласнікаў Алімпійскі ўрок праходзіў у фае 2 паверха, дзе размешчана экспазіцыя "Алімпійцы Беларусі". Настаўнік фізічнай культуры і здароўя Яромкін Уладзіміро Уладзіміравіч распавёў першакласнікам пра алімпійскіх чэмпіёнаў, чые імёны праславілі нашу краіну. А яшчэ расказаў пра гімназістаў, якія паказваюць высокія вынікі на спартыўных спаборніцтвах самага рознага ўзроўню.