Інтэлектуальная гульня “Ведай роднае слова”, пад такой назвай прайшло мерапрыемства 30 студзеня ў рамках праекта «Кожная пятніца – роднае, сваё» ў чытальнай зале цэнтральнай раённай бібліятэкі для вучняў 10 «А» класа раённай гімназіі.
Удзельнікі мерапрыемства дакрануліся да крыніц роднай мовы. Юнакам і дзяўчатам давялося зрабіць прыпынкі, на якіх яны выконвалі конкурсныя заданні: «Лінгвістычны», «Этнаграфічны», «Самы кемлівы», «Прадоўжы твор». Падарожжа па краіне роднай мовы дапамагло школьнікам яшчэ раз ацаніць прыгажосць, мілагучнасць роднай мовы і праверыць свае веды.