Прадметныя тыдні вельмі любяць нашы гімназісты за магчымасць пазнаёміцца з прадметамі школьнай праграмы з другога, займальнага боку. Усе мерапрыемствы тэматычнага тыдня настаўніка хіміі гімназіі Іна Пятроўна Андрэйчук і Анжаліка Іванаўна Сацюк разам з навучэнцамі старэйшых класаў падрыхтавалі так, каб прыцягнуць увагу дзяўчынак і хлопчыкаў да такога прадмета як хімія, паказаць як важныя школьныя веды ў паўсядзённым жыцці.У праграме Тыдня былі: конкурс хімічных газет "У хімічным царстве", квіз "Хімія ў побыце", хімічныя віктарыны, тэматычныя класныя і інфармацыйныя гадзіны, інтэлектуальная гульня "Слабое звяно" і "Дуэль эрудытаў". У тым, што хімія – вялікая навука, у нашых хлопцаў больш няма сумневаў.