У тым ліку – і з раённай гімназіі. На традыцыйным мерапрыемстве прысутнічала і кіраўніцтва раёна: старшыня Маларыцкага раённага Савета дэпутатаў Алег Якубчык, намеснік старшыні райвыканкама Станіслаў Ляшчук, начальнік аддзела па адукацыі Таццяна Лаўрэенка, начальнік аддзела ідэалагічнай работы, культуры і па справах моладзі райвыканкама Галіна Стасюк, благачынны Маларыцкай царкоўнай акругі протаіерэй Віктар Паляціла.
Святочнае мерапрыемства пачалося з выступлення народнага аркестра народных інструментаў Маларыцкай школы мастацтваў пад кіраўніцтвам Мадзіны Боцвіч. Затым да прысутных у зале звярнуўся старшыня Маларыцкага раённага Савета дэпутатаў Алег Якубчык. Ён пажадаў дзяўчатам і юнакам здзяйснення ўсіх мар, лёгкай жыццёвай дарогі, ніколі не спыняцца на дасягнутым, працягваць і далей старанна вучыцца і імкнуцца да ўдасканалення, быць мэтанакіраванымі і настойлівымі такімі, як, напрыклад, нашы землякі, ганаровыя грамадзяне Маларытчыны ‒ алімпійскі чэмпіён Леанід Тараненка і былы старшыня калгаса “Запаветы Леніна” Леанід Лявонаў… Шмат цёплых слоў у адрас таленавітай моладзі раёна сказаў і протаіерэй Віктар Паляціла.
Падчас штогадовай цырымоніі дыпломамі і грашовымі прэміямі былі ўзнагароджаны пераможцы другога этапу рэспубліканскай алімпіяды 2021/2022 навучальнага года, пераможцы трэцяга этапу рэспубліканскай алімпіяды 2020/2021 навучальнага года, пераможцы абласной канферэнцыі работ даследчага характару “З навукай у будучыню” і з раённай гімназіі.
Ад імя ўзнагароджаных на ўрачыстым мерапрыемстве выступіла вучаніца 10 “А” класа раённай гімназіі Маргарыта Федарук. Яна выказала словы ўдзячнасці і падзякі за аказаны гонар, запэўніла, што моладзь Маларытчыны зробіць усё магчымае дзеля далейшага росквіту нашай краіны.
Закончылася штогадовая цырымонія ўзнагароджвання таленавітай моладзі Маларытчыны навагоднім сюрпрызам-віншаваннем ад Дзядулі Мароза і Снягуркі.
Мікалай НАВУМЧЫК.
На здымках: узнагароды атрымліваюць вучні раённай гімназіі.
Фота аўтара.