Грані супрацоўніцтва
24 кастрычніка ў раённай гімназіі пабываў дэсант выкладчыкаў і студэнтаў філалагічнага факультэта БрДУ імя А.С.Пушкіна. У рамках заключанай дамовы аб супрацоўніцтве паміж навучальнымі ўстановамі на сустрэчу прыехала трэць супрацоўнікаў кафедры агульнага і рускага мовазнаўства ВНУ.
У актавай зале сабраліся не толькі гімназісты, але настаўнікі і вучні СШ № 1 і 2 райцэнтра. Выкладчыкі кафедры, кандыдаты навук, дацэнты Вольга Пераход, Людміла Гадуйка, Станіслва Каралевіч падрабязна і цікава расказалі не толькі пра ўніверсітэт ў цэлым, але і падрабязна спыніліся на спецыфіцы філалагічнага факультэта. Пра філфак, спецыяльнасці, якія можна на ім набыць, гаварылі і студэнты, якія сваё выступленне суправаджалі мультымедыйнай прэзентацыяй.
Пасля для студэнтаў і выкладчыкаў філфака была праведзена экскурсія па гімназіі. Госці былі ў захапленні ад краязнаўчага музея “Спадчына”, вучэбных кабінетаў беларускай і рускай мовы і літаратуры, хіміі, біялогіі, геаграфіі, гісторыі, замежных моў.
У другой палове дня брастаўчане таксама наведалі музей А.С.Пушкіна ў Арэхаўскай СШ.
Мікалай НАВУМЧЫК.