Мерапрыемства было прымеркавана да 70-годдзя Перамогі ў Вялікай Айчыннай вайне і праходзіла ў межах рэспубліканскага патрыятычнага праекта “Кветкі Вялікай Перамогі”. Арганізатарамі мерапрыемства выступілі: ГА “Беларускі рэспубліканскі саюз моладзі”, ГА “Беларуская рэспубліканская піянерская арганізацыя”, ЗАТ “Сталічнае тэлебачанне”.
Удзельнікі акцыі пісалі лісты свайму прадзеду, незнаёмаму чалавеку – удзельніку Вялікай Айчыннай вайны – на фронт ці партызанскі атрад. У сваіх пісьмах вучні дзякавалі тым, хто каваў нашу перамогу, за мірнае неба над галавой, за магчымасць жыць у вольнай і незалежнай краіне, расказвалі пра сябе, сваім будучым, родным краі…
Лісты ўдзельнікі акцыі пісалі на спецыяльных бланках, складвалі іх трохвугольнікам, падпісвалі.
На Маларытчыне ў патрыятычнай акцыі “Пісьмо пераможцу” прыняло ўдзел амаль 120 вучняў устаноў адукацыі. Усе работы будуць накіраваны на абласны адборачны этап.
Мікалай НАУМЧЫК.
На здымку: вучні 3 “Б” класа раённай гімназіі і Вольга Махнавец, педагог-арганізатар, у час правядзення акцыі.
Фота аўтара.