Спачатку Святлана заваявала ІІІ месца на спаборніцтвах ў раздзеле “Лайт-кантакт” (лёгкі кантакт), а праз 2 тыдні ў гэтым жа раздзеле яна стала ўжо першай (вагавая катэгорыя – да 47 кг).
-Кіксбоксінгам займаюся з 1 класа, - кажа Святлана. – Гэты від спорту патрабуе добрай фізічнай падрыхтоўкі, спрыту, хуткасці рэакцыі і вынослівасці. Таму на трэніроўках абавязкова бываю 2 разы на тыдзень. Імкнуся іх зусім не прапускаць. Секцыя ад Брэсцкага фізкультурна-спартыўнага цэнтра адзінаборстваў “Тарнада” працуе на базе СШ №1. Маімі настаўнікамі з’яўляюцца Вадзім Леанідавіч Вайцюк і Аляксандр Вячаслававіч Буткевіч. Заняткі кікбоксінгам мне вельмі падабаюцца, бо выхоўваюць характар, сілу волі, дысцыплінуюць, дапамагаюць быць адказнай за свае ўчынкі.
-Святлана, у чым сутнасць кікбоксінгу і лайт-кантакта?
-Калі гаварыць коратка, то кікбоксінг - гэта від спорту, што сінтэзаваны з такіх відаў адзінаборстваў, як каратэ, тайскі бокс, тайквандо, ушу і звычайны бокс. Удары нагамі ўзяты з усходніх адзінаборстваў, удары рукамі - пераважна з боксу. У лайт-кантакце забараняюцца моцныя ўдары. Перавага аддаецца ўдарам нагамі. Працягласць бою складае 3 раўнды па 2 хвіліны. Паміж раўндамі робіцца перапынак на 1 хвіліну.
-А са спортам плануеш звязаць сваё жыццё?
-Кім стану, якую выберу прафесію, пакуль яшчэ не вызначылася. Але, думаю, што спорт у маім жыцці будзе займаць не апошняе месца. Між іншым, кікбоксінг у пэўнай сітуацыі можа спатрэбіцца і для самаабароны.
На здымку: Святалана Жыгалава, пераможца адкрытыга кубка Беларусі па кікбоксінгу.