Каб правільна вызначыцца са сваім будучым працоўным жыццём, неабходна затраціць шмат часу,  многае ўзважыць, правільна разлічыць свае сілы. Трэба грунтоўна, беспамылкова, загадзя ўсё спланаваць, спрагназаваць разам дзецям і іх бацькам.

У Маларыцкай раённай гімназіі пытанню прафесійнай арыентацыі вучняў надаецца значная ўвага. З гэтай мэтай ва ўстанове адукацыі праводзіцца шмат розных мерапрыемстваў. У апошні час эфектыўным сродкам такой работы сталі сустрэчы з прадстаўнікамі розных навучальных устаноў краіны. Напрыклад, 26 студзеня адбылася апошняя з іх. У госці да вучняў 10-11 класаў завіталі Міхаіл Чайкоўскі, кандыдат фізіка-матэматычных навук, дацэнт, дырэктар Інстытута  кіруючых кадраў, і Дар’я Кацуба, загадчыца кабінета права факультэта кіравання Інстытута  кіруючых кадраў Акадэміі кіравання пры Прэзідэнце Рэспублікі Беларусь. Міхаіл Віктаравіч і Дар’я Іванаўна падрабязна пазнаёмілі прысутных са сваёй ўстановай адукацыі і спецыяльнасцямі, якія можна набыць у ВНУ, расказалі, чым займаюцца студэнты ў вольны час…

Напрыканцы сустрэчы  прадстаўнікі Акадэміі кіравання адказалі на пытанні старшакласнікаў раённай гімназіі.

                                                                                 Мікалай НАВУМЧЫК.

На здымку: падчас сустрэчы вучняў раённай гімназіі з прадстаўнікамі Акадэміі кіравання пры Прэзідэнце Рэспублікі Беларусь.

Фота аўтара.